Ho meinte sidan det var ei tillitsvekkjande *dame* som ringde, så høyrdest det ikkje så gale ut. Dessutan kuuuunne det jo henda at ho faktisk hadde vunne det… Ugh, eg blei flau.

Det som skremmer meg med dette, er at det faktisk er så mange dumme, godtroende og grådige folk der ute at dette faktisk lønner seg.

I tillegg har eg fått eit par av dei litt “snillare” ring-opp-mange-på-ein-gong-telefonane, då stemma i andre enden tydeleg lit forfjamsa les namet mitt halvvegs usikkert i hastverk og lastverk eit par sekund seinare enn eg svarer på telefonen. Tidlegare kunne eg gjerne spurt spørsmål om kvar dei har namn og nummer frå, sidan vi eksplisitt for mange år sidan har reservert oss mot telefonsalg, men nøyer meg no med å seie at det ikkje passer - og hadet bra. Den hittil mest tidsbesparande og likevel ikkje direkte uhøflege måten å avvise folk på. Eit velkjent pøbeltriks er sjølvsagt å få dei til å bruke lengst mogleg tid på å ikkje selge noko, men det har eg ikkje tid til.

At eg faktisk har IP-telefon tviler eg på har hatt noko å seie så langt i samband med slike oppringingar. Men eg er klar for å seie opp abonnementet mitt og klare meg med mobiltelefon straks det eventuelt skulle bli eit problem. No er gjerne mobiltelfoni også på veg inn i IP-verdenen, men den tid den sorg……